Fundjavë në Theth

• Nisja bëhet të shtunën në orën 06:00 nga Tirana tek Kafe Flora.. Gjatë rrugës do të bëhen ndalesa për kafe dhe fotografi. Ndalesa e parë do të jetë Qafë Thorë 1700 m, lartesi, një ndër pikat më të larta gjatë udhëtimit për në Theth. Peisazhi i kurorës së alpeve shqiptare që ofrohet në këtë lartësi do të jetë një kartolinë unike për kujtimet tuaja.
• Pas ndalesës në Qafë Thorë, vazhdojmë udhetimin për në Theth. Pas akomodimit në bujtinë dhe në dhomat përkatëse sipas kërkesës tuaj, i zoti i shtëpisë na ka shtruar drekën me gatime kartakteristike të zonës.
• Pas drekës nisemi për tek “Syri i kalter”, ku gjatë shëtitjes do të bëjmë ndalesa në vënde të ndryshme. “Kanioni i Gurrashit” me fytyrën e malësorit të gdhendur në të nga natyra dhe jo nga dora e njeriut, dhe “Vaskat Natyrore”, do të jenë mrekullitë e natyrës që do të shoqërojnë udhëtimin tonë.
  Një ujë i kristaltë në mes të gjelbërimit gjatë shëtitjes për tek “Syri i Kalter” dhe zhurma e lumit që na shoqëron gjithmonë, do e bëje akoma me të bukur peisazhin.
• Pas vizitës në liqenin e vogël (Syri i Kaltër), kthehemi në fshat. Mbasditja e lirë, organizim ndjeshje volejbolli.
• Per darkë ju presim jashtë, në verandën e shtepisë, si gjithmonë me gatime tradicionale.

Të dielën pasi shijojmë një mëngjes fshati do të nisemi për tek “Ujëvara e Grunasit”, e cila është mjaft e veçantë në llojin e saj. Një ndër ujëvarat më të mëdha në Alpet Shqiptare, Ujëvara e Grunasit është shpallur monument natyre që nga viti 2006. Eksplorimi i Thethit mbyllet me një vizitë tek Kulla e ngujimit ku do të udhëtojme nëpër histori dhe kanunin e Lek Dukagjinit.
*Pas konsumimit të drekës (e lirë), vaktit të fundit me gatimin tradicional verior nisemi për Tiranë. Gjatë rrugës bëjmë ndalesë për kafe në qytetin e Shkodrës.
*Mbërrijmë në darkë rreth orës 21:00

Çmimi 60 euro për person